Mell et
Demarchen an Annuaire
Sichresultater fir: {{ searched_keyword }}
Annuaire
Formulairen
Dokumenter

Mell et

  • This field is for validation purposes and should be left unchanged.
Konscht, Kultur, Sport a Fräizäit

Kultur- a Geschichtshaus “A Gadder”

Scho fréi hat d’Gemeng Suessem d’Noutwendegkeet vum Erhalen an dem Erhalt vun historeschem Material erkannt. Dës Material soll fir zukünfteg Generatioune geséchert ginn an interesséierte Persounen zougänglech gemaach ginn. Zënter 1979 erhalen d’Gemengenarchiven also dat historescht Gediechtnes vun der Gemeng Suessem an hire véier Uertschaften: Bieles, Éilereng, Suessem an Zolwer.

Dausende vun Texter a Fotoen, eng räichhalteg Bibliothéik an eng Panoplie vu verschiddenen Objete ginn en Abléck an d’Liewe vun der Gemeng am Laf vu de leschten zwee Joerhonnerten. D’Kollektioune vum Musée, d’Archiven an de Katalog vun der Bibliothéik sinn an där Form eenzegaarteg fir Lëtzebuerg. Dobäi kommen nach kulturell Manifestatiounen, Ausstellungen an Themenowenter, déi reegelméisseg organiséiert ginn an déi aus der „Maison A Gadder“ eng eenzegaarteg Plaz fir kulturell Echange maachen.

Besonnesch wichteg ass et eis, d’Kollektiv vum Archiv ze erweideren. Hei kënnt dir selwer aktiv dozou bäidroen. Zéckt net eis ze kontaktéieren, wann dir Dokumenter, Biller, Pläng, Postkaarten, Bicher oder Videoopnamen hutt, déi e Bezuch zu der Gemeng Suessem hunn.

Dir kënnt är Kollektioun den Archiven als Don zur Verfügung stellen, oder dir léint eis se, fir se ze digitaliséieren. Wann en privat Kollektioun aussergewéinlech wäertvoll fir d’Gemeng ass, kënnen d’Archiven dës esouguer opkafen.

D’Gemengenarchive am Kultur- a Geschichtshaus “A Gadder” stinn iech ëmmer zur Verfügung fir iech eng Äntwert op all Froen am Zesummenhang mat der Geschicht vun der Suessemer Gemeng ze ginn.

Dir fannt d’Gemengenarchiven op dëser Adresse:

Kultur- a Geschichtshaus “A Gadder”

10, rue de France
L-4446 Belvaux

D’Diere vun den Archiven sinn all Donneschdeg tëscht 14.00 a 17.00 Auer, oder op Rendez-Vous, op.