De Service des Relations Publiques et de la Culture këmmert sech ëm d’Organisatioun an d’Koordinatioun vun deenen ënnerschiddlechste Manifestatiounen a Fester um Terrain vun der Gemeng Suessem.

Nieft der kompletter Programmatioun an der Gestioun vum Kulturhaus “Artikuss”, ass de Service och den éischten Uspriechpartner fir sämtlech kommunal Veräiner an Associatiounen. Dorënner falen och d’Reservatioun an d’Locatioun vun de Infrastrukturen aus der Gemeng an dem jeweilege Material.

Weider Aufgabe vum Service sinn d’Promotioun vun der Gemeng Suessem duerch d’Konzeptioun, d’Redaktioun an d’Kreatioun vu verschiddenste Publikatioune wéi zum Beispill dem Magazine “Kuerz & Knapp”, Brochuren oder Flyeren. Donieft këmmert de Service sech ëm den Internetsite vun der Gemeng, d’Präsenz op de soziale Medien an d’Statute vun de Veräiner.

Zu gudder Lescht assuréiert de Service des Relations Publiques et de la Culture d’Kommunikatioun vun der Gemeng no baussen an ass den Uspriechpartner fir d’Medien.