Dës Manifestatioun fënnt ënnert dem Regimm CovidCheck statt. 1.500 Visiteuren dierfe maximal op de Site vum Suessemer Schlass.
De Summerfeeling ass zeréck am Park vum Suessemer Schlass an dëst samschdes, den 3. a sonndes, de 04. Juli 2021! Mat héichwäertegen Exposanten a fräiem Entrée.
Niewent engem Muart mat iwwer 50 Exposante suergt e Grupp Artiste fir Animatioun.
Genéisst och e gudde Maufel an eisem Food Village mat sechs ganz ënnerschiddleche Food Trucks, enger Cocktailbar an engem DJ.
Ëffnungszäiten: samschdes, den 3. Juli vun 11.00 bis 19.00 Auer & sonndes, de 4. Juli vun 10.00 bis 18.00 Auer.
CovidCheck Manifestatioun
De Summerfeeling fënnt dëst Joer ënnert dem Regimm CovidCheck statt. Dir sidd gebieden an der Entrée Äre Certificat (geimpft, negativ getest oder no enger Covid-19 Infektioun erëm gesond). Dir kënnt an der Entrée och e Schnelltest maachen, ma Waardezäite si méiglech. Profitéiert am Virfeld vum neie Large Scale Testing-System, bei deem jiddwer Resident ee gratis COVID-19-PCR-Test an enger vun den LST-Drive-In-Statiounen ufroe kann, och ouni Invitatioun. All d'Informatioune fannt Dir um Site vun der Santé. Kanner ënnert 6 Joer musse kee Schnelltest op der Plaz maachen an och kee Certificat virweisen.
Mam Vëlo op de Summerfeeling
Profitéiert vun de sëllege Vëlosweeër an der Gemeng fir mam Vëlo op de Summerfeeling ze kommen. Um Site fannt Dir och eng mobil Vël'ok-Statioun. Ausserdeem ass de Summerfeeling op de Vëlosweeër an der Gemeng ausgezeechent.Eng grouss Unzuel u Parkméiglechkeete fir Vëloe steet Iech zur Verfügung. Mat kengem aneren Transportmëttel kommt Dir méi praktesch a méi no un de Site wéi mam Vëlo.
Mam Bus op de Summerfeeling
D'Linn 15 vum TICE bréngt Iech vum Belval iwwer Bieles, Zolwer a Suessem direkt bei d'Schlass. Och vun Esch, Käerjeng, Féngeg a Kënzeg kommt Dir mat der Linn 15 direkt bei d'Schlass.
Mat der Linn 13 vum TICE sidd dir vun Éilereng a manner wéi 10 Minutte beim Schlass. Och vun Esch, Käerjeng, Péiteng, Lamadelaine a Rodange kommt Dir mat der Linn 13 direkt bei d'Schlass.
Mat der Linn 3 vum TICE kommt Dir vun Esch iwwer Bieles an Zolwer bei d'Schlass. Ma och vu Käerjeng, Péiteng, Lamadelaine a Rodange gëtt dësen Arrêt ugefuer.
Mat der Linn 13 vum TICE sidd dir vun Éilereng a manner wéi 10 Minutte beim Schlass. Och vun Esch, Käerjeng, Péiteng, Lamadelaine a Rodange kommt Dir mat der Linn 13 direkt bei d'Schlass.
Mat der Linn 3 vum TICE kommt Dir vun Esch iwwer Bieles an Zolwer bei d'Schlass. Ma och vu Käerjeng, Péiteng, Lamadelaine a Rodange gëtt dësen Arrêt ugefuer.
Navetten
Profitéiert vun eisem Park&Ride vun de Parkingen um Woeller & Z.I. Gadderscheier. Parken an der Cité ronderëm d'Suessemer Schlass ass net méiglech. Leit mat enger Carte de stationnement pour personnes handicapées si gebieden dës Kaart bei der Stroossespär virzeweisen. Speziell Parkplaze no um Site si virgesinn.
Summer-Drive
Profitéiert vun eisem Summer-Drive. Gitt Är Wuere bei eisem Summer-Drive of a kommt spéider mam Auto op d'Plaz Är Akeef sichen. En Accès mam Auto ass anescht net méiglech.
Summerfeeling 2019
Andréck a Fotoe vun der Editioun 2019.