Ausstellung: Atombommenugrëffer op Hiroshima an Nagasaki

Am Kader vun der Erënnerungsaarbecht ronderëm d’Atombommenugrëffer op Hiroshima an Nagasaki proposéiert d’Gemeng Suessem eng Ausstellung, déi vun der Gemeng Wolz zur Verfügung gestallt gouf. Mat verschiddene Panneauen an Dokumenter geet d’Ausstellung op d’Attacke vum August 1945, hir mënschlech an historesch Konsequenzen an d’Wichtegkeet an, dëst an Erënnerung ze halen an déi zukünfteg Generatiounen iwwer d’Gefore vun Atomwaffen ze sensibiliséieren.
 
Mir soen der Gemeng Wolz e grousse Merci fir d’Bereetstellung vun dëser Ausstellung an hire Bäitrag zur Erënnerungsaarbecht an zur Sensibiliséierung.
 
– Festsall um 1. Stack
– Bis de 14. September
– Zougänglech wärend den Ëffnungszäite vun der Gemeng
– Fräien Entrée
 
Mir invitéieren iech, dës Ausstellung ze entdecken an iech e Moment Zäit ze huelen, fir iech z’informéieren an iwwer d’Wichtegkeet vum Fridden an der atomarer Ofrëschtung nozedenken.
 
Fotoen: Gemeng Suessem / Sarah Raparoli